/mradkhh-adr-generator

Nima qiladi

Kod nima qilinganini ko’rsatadi, lekin negaligini aytmaydi. /mradkhh-adr-generator muhim arxitektura va biznes qarorlarini ADR (Architecture Decision Record) sifatida yozadi. Har bir ADR’da quyidagilar bo’ladi:

• muammo va kontekst;
• tanlangan yechim va uning sababi;
• oqibatlar — foyda, xarajat va cheklovlar;
• tekshiruv dalillari: qaysi test qaysi revision’da o’tgani;
• havolalar: kod, reja, commit va oldingi ADR’lar.

Skill dalilga asoslanadi. U sabab, test yoki tasdiqni o’ylab topmaydi. Ma’lumot yetishmasa, “noma’lum” deb yozadi.

Qachon ishlatiladi

Skill avtomatik ishga tushadi: agent so’rovingiz ADR haqida ekanini tushunsa, uni o’zi yuklaydi. Uni nomi bilan ham chaqirish mumkin.

Eslatma: oddiy refaktoring, formatlash yoki changelog so’rovi ADR uchun sabab emas. Bunday holatda skill yangi fayl yaratmaydi va sababini tushuntiradi.

Talablar

• Hech qanday qo’shimcha dastur kerak emas.
• Git faqat git’ga asoslangan so’rovlar uchun kerak (“push qilinmagan o’zgarishlar”, commit oralig’i).

Asosiy tushunchalar

Katalog qayerda?

Skill ADR’larni qaysi papkaga yozishni quyidagi tartibda aniqlaydi:

1. Siz aniq ko’rsatgan papka.
2. Loyiha qoidalari, masalan AGENTS.md.
3. Loyihada allaqachon mavjud ADR katalogi.
4. Standart: <loyiha-ildizi>/docs/adr/.

Yozishdan oldin agent tanlangan papkani va sababini aytadi.

Statuslar halol qo’yiladi

Faqat testlarning o’tgani qarorni tasdiqlamaydi. Accepted esa “deploy qilingan” degani emas.

Tarix faqat qo’shiladi

Qabul qilingan ADR o’zgartirilmaydi. Qaror o’zgarsa, yangi ADR yoziladi. Unda Supersedes havolasi va Change bo’limi (Before / After / Reason) bo’ladi. Yozishdan oldin skill tarixni tekshiradi:

• takrorlangan raqamlar;
• mavjud bo’lmagan Supersedes nishonlari;
• o’ziga yoki aylanma havolalar;
• bir xil doirada bir-biriga zid ikkita Accepted qoida.

Misol

/mradkhh-adr-generator sessiyalarni JWT'dan server-side sessiyaga o'tkazish qarorini yoz

Natija — masalan, docs/adr/007-server-side-sessions.md:

# ADR 007: Server-side sessions

- **Date:** 2026-10-12
- **Status:** Proposed
- **Supersedes:** [ADR 002](002-jwt-auth.md)

## Context
...
## Decision
### Change
- **Before:** Stateless JWT (ADR 002)
- **After:** Redis'da saqlanadigan server-side sessiya
- **Reason:** Tokenni darhol bekor qilish talabi
## Consequences
## Verification
## References

Ko’p beriladigan savollar

ADR qaysi tilda yoziladi? Loyihada qoida bo’lsa, o’sha tilda. Bo’lmasa, siz yozgan tilda.

Monorepo’da har bir paket uchun alohida katalog yaratiladimi? Yo’q. Standart holatda bitta ildiz katalog ishlatiladi. Alohida katalog faqat loyiha qoidasi yoki sizning so’rovingiz bo’lsa yaratiladi.

Bir xil qaror ikki marta so’ralsa nima bo’ladi? Skill mavjud ADR’ni topadi va yangisini yaratish o’rniga uning yo’lini qaytaradi.

Ishlayotganini qanday bilasiz

• Fayl to’g’ri katalogda, keyingi bo’sh raqam bilan yaratildi.
• Status va uning asosi aniq yozilgan.
• Shablondagi barcha {{placeholder}}lar to’ldirilgan yoki keraksiz bo’limlar olib tashlangan.
• Eski ADR o’zgartirilmagan; almashtirish Supersedes orqali qilingan.
• To’qilgan sabab yoki test yo’q, bo’shliqlar “noma’lum” deb belgilangan.

Qayerga mos keladi

reja → qaror → implementatsiya → tekshiruv → /mradkhh-adr-generator → keyingi agent sessiyasi ADR'larni o'qiydi

ADR’lar keyingi agent sessiyalari uchun xotira vazifasini bajaradi. Agent nega shunday qilinganini biladi va eski qarorni bilmasdan buzib qo’ymaydi.